யோகி பாபுவுக்கு இப்படி ஒரு வாழ்வா?

விஜய், சிவகார்த்திகேயன், விஜய் சேதுபதி உள்பட பல முன்னணி நடிகர்களில் படங்களின் காமெடி வேடத்தில் நடித்து வருபவர் யோகி பாபு. இவரது மார்க்கெட் ஜெட் வேகத்தில் ஏறிக்கொண்டிருக்கிறது. இவரை கதையின் நாயகனாக்கி ஒரு திரில் படம் உருவாக உள்ளது. இதனை விநாயக் சிவா இயக்குகிறார். இதில் கதாநாயகிகளாக யாஷிகா, நிக்கி தம்போலி ஆகியோர் நடிக்கிறார்கள். திகில் நகைச்சுவை கலந்த இந்த படம் 3டியில் உருவாகிறது. இப்படத்தின் படப்பிடிப்பு பொங்கல் பண்டிகைக்கு பிறகு தொடங்குகிறது. இதற்கிடையே நடிகர் யோகி பாபு இரண்டு கதாநாயகிகளுடன் ஜோடி சேரப்போவதை பார்த்து சிலர், காமெடி நடிகரான இவருக்கு இப்படி ஒரு வாழ்வா என அதிர்ந்து உள்ளனர்.