சர்ஜூன் இயக்கத்தில் நயன்தாரா நடித்துள்ள ‘ஐரா’ திரைப்படத்தின் டிரெய்லர் வெளியாகியுள்ளது. இந்தப் படத்தில் நயன்தாரா, பவானி என்ற கதாபாத்திரத்தில் மிகவும் வித்தியாசமாக நடித்துள்ளார்.
இதற்காக நயன்தாராவின் உடல்மொழி, நடிப்பு, தோற்றம் என எல்லாவற்றிலும் ஒரு மாற்றம் இருக்கும் என இயக்குநர் சர்ஜுன் தெரிவித்தார். அதேநேரம், யமுனா என்ற இன்னொரு கதாபாத்திரத்திலும் நடித்துள்ளார்.
இரட்டை வேடம் என்றாலும் இரண்டும் வெவ்வேறு கதாபாத்திரங்கள். ஹாரர் (இருட்டு) வகைமையில் உருவாகியிருக்கும் இந்தப் படத்தில் பெண் சிசுக் கொலைதான் மையக் கதை என்று படக்குழுவினர் தெரிவித்துள்ளனர்.
இத்திரைப்படத்தில் கலையரசன், யோகிபாபு, ஜெயப்பிரகாஷ், லீலாவதி உள்ளிட்ட பலர் நடித்துள்ளனர்.
இத்திரைப்படத்தின் படப்பிடிப்பு மற்றும் விரிவாக்கல் பணிகள் தற்போது நிறைவடைந்துள்ளன.
சுதர்சன் ஸ்ரீனிவாசன் ஒளிப்பதிவில் கார்த்திக் ஜோகேஷ் படத்தொகுப்பில் உருவாகியுள்ள இத்திரைப்படத்திற்கு கே.எஸ்.சுந்தரமூர்த்தி இசையமைத்துள்ளார்.
