மிலிந்த் ராவ் இயக்கத்தில் நயன்தாரா நடிக்கும் புதிய திரைப்படத்தில் பிரபல ஹொலிவுட் நடிகர் லுக் கென்னி நடிக்கவுள்ளதாக தகவல் வெளியாகியுள்ளது.
தமிழ் சினிமாவில் முன்னணி நடிகையாக வலம் வரும் நயன்தாரா தற்போது விஜய் நடிப்பில் உருவாகிவரும் பிகில் மற்றும் சூப்பர் ஸ்டாருடன் தர்பார் ஆகிய திரைப்படங்களில் இணைந்து நடித்துவருகிறார்.
இந்நிலையில் இவர் அடுத்ததாக த்ரில்லர் கதாபாத்திரத்தில் நடிக்கவுள்ளதாக தகவல் வெளியாகியது.
அவள் படத்தின் இயக்குனர் மிலிந்த் ராவ் இயக்கவுள்ள, இந்த படத்தை நயன்தாராவின் காதலரும் இயக்குனருமான விக்னேஷ் சிவன் தயாரிக்கவுள்ளதாகவும் கூறப்படுகிறது.
மேலும் இந்த திரைப்படத்திற்கான படப்பிடிப்பு பணிகள் விரைவில் ஆரம்பிக்கப்படவுள்ளதாகவும் தகவல் வெளியாகியுள்ளது.
