நடிகர் சிவகார்த்திகேயன் நடிப்பில் இயக்குநர் பி.எஸ்.மித்ரன் இயக்கிவரும் ‘ஹீரோ’ திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில இதன் வெளியீட்டு திகதி அறிவிக்கப்பட்டுள்ளது.
அதன்படி இந்த படம் உலகம் முழுவதும் டிசம்பர் 20ஆம் திகதி வெளியாகவுள்ளது.
மேலும் இந்த படத்தின் அட்டகாசமான தலைப்புடன் கூடிய வடிவமைப்பையும் படக்குழுவினர் வெளியிட்டுள்ளனர். சிவகார்த்திகேயனுக்கு ஜோடியாக கல்யாணி பிரியதர்ஷன் நடிக்க, ஆக்ஷன் கிங் அர்ஜூன் முக்கிய வேடத்தில் நடிக்கிறார்.
இந்த படத்தில் பிரபல பொலிவுட் நடிகர் அபய்தியோல் வில்லனாக நடிக்கின்றார். யுவன் சங்கர் ராஜா இசையில், ஜார்ஜ் வில்லியம்ஸ் ஒளிப்பதிவில், ரூபன் படத்தொகுப்பில் உருவாகி வரும் இந்த படத்தை கே.ஜே.ஆர்.ஸ்டூடியோஸ் நிறுவனம் தயாரித்து வருகின்றது.
இத்திரைப்படத்தில் சிவகார்த்திகேயன், கல்யாணி பிரியதர்ஷன், அர்ஜுன், இவானா, விவேக், யோகிபாபு, வடிவேலு உள்ளிட்ட பலர் நடித்துவருகின்றனர்.
