சிவகார்த்திகேயன் இன்று சினிமாவில் பலரின் கவனத்தை பெற்றுவிட்டார். சாதாரண பின்னணியில் இருந்து வந்து சினிமாவிலும் நம்மால் சாதிக்க முடியும் என காட்டியவர்.
அடுத்தடுத்த அவரின் பட வெற்றிகள் இன்னும் அவருக்கு பொறுப்புகளை கொடுத்திருக்கிறது. அண்மையில் அவர் பொன்ராம் இயக்கத்தில் சீமராஜா படத்தில் நடித்து முடித்தார்.
தற்போது அவர் ரவிக்குமார் இயக்கத்தில் புதிய படத்தில் இணைந்துள்ளார். இதில் அவருக்கு ஜோடியாக ரகுல் பிரீத் சிங் இணைந்துள்ளார். ஏற்கனவே இப்படத்தில் ரஹ்மான் இசையமைப்பது உறுதியானது.
இந்நிலையில் தற்போது மெர்சல், சர்கார் படங்களின் பாடலாசிரியர் விவேக் சிவகார்த்திகேயனின் புதிய படத்தில் இணைந்துள்ளாராம். ரஹ்மான் தான் இவ்விரு படங்களில் இசையமைப்பாளர் என்பது குறிப்பிடத்தக்கது.