சர்ஜூன் இயக்கத்தில் நயன்தாரா நடித்துள்ள ‘ஐரா’ திரைப்படத்தின் ‘ஜிந்தாகோ’ என்ற வீடியோ புறமோ பாடல் நாளை (வெள்ளிக்கிழமை) வெளியாகவுள்ளது.
கே.எஸ்.சுந்தரமூர்த்தி இசையில் உருவாகிய இந்த பாடல் ரசிகர்கள் மத்தியில் பெரும் வரவேற்பை பெறும் என எதிர்பார்க்கப்படுகின்றது.
ஏற்கனவே, இந்த பாடலின் லிரிக்ஸ் வீடியோ கடந்த முதலாம் திகதி வெளியானது என்பது குறிப்பிடத்தக்கது.
இத்திரைப்படம் எதிர்வரும் 28ஆம் திகதி வெளியாகவுள்ள நிலையில், இதன் புறமோஷன் பணிகள் விறுவிறுப்பாக நடைபெற்று வருகின்றது.
இத்திரைப்படத்தில் நயன்தாரா, கலையரசன், யோகிபாபு, ஜெயப்பிரகாஷ், லீலாவதி உள்ளிட்ட பலர் நடித்துள்ளனர். சுதர்சன் ஸ்ரீனிவாசன் ஒளிப்பதிவில் கார்த்திக் ஜோகேஷ் படத்தொகுப்பில் உருவாகியுள்ள இந்த படம் இந்த ஆண்டின் இரண்டாவது வெற்றிப்படமாக நயன்தாராவுக்கு அமையும் என எதிர்பார்க்கப்படுகின்றது.
