நடிகை தமன்னா “ஆக்ஷன்” திரைப்படத்திற்காக இராணுவ பயிற்சியில் ஈடுபட்டுள்ளதாக தகவல் வெளியாகியுள்ளது.
நடிகர் விஷாலுக்கு ஜோடியாக நடிக்கும் இவர் அவருடன் இணைந்து சண்டைக்காட்சிகளில் ஈடுபடவுள்ளதாகவும் அதன் காரணமாக அவர் இராணுவ பயிற்சிகளில் ஈடுபட்டுவருவதாகவும் இந்த திரைப்படத்தின் இயக்குனரான சுந்தர்.சி தெரிவித்துள்ளார்.
இது குறித்து கருத்து தெரிவித்துள்ள சுந்தர்.சி, “இராணுவ பெண் கமாண்டோவாக தமன்னா நடிக்கிறார்.
விஷாலுடன் இவரும் ஆக்ஷன் காட்சிகளில் நடிக்க வேண்டியிருந்ததால் அதற்கான பயிற்சிகள் பெற்று நடித்துள்ளார். குடும்பப் பாங்கான பெண்ணாக ஐஸ்வர்யா லட்சுமி நடித்துள்ளார்.
70 சதவீத படப்பிடிப்பு வெளிநாடுகளிலும் மற்ற காட்சிகள் ஜெய்ப்பூர், டெல்லி, ஐதராபாத், சென்னையிலும் படமாகி உள்ளது. இதன் படப்பிடிப்பு முடிந்த நிலையில் அடுத்த கட்ட பணிகள் நடைபெற்றுவருகிறது” என அவர் தெரிவித்துள்ளார்.
