நடிகர் அஜித்தின் விஸ்வாசம் திரைப்படம் அனைவர் மத்தியிலும் பெரும் வரவேற்ப்பை பெற்றது.
இதில் அப்பாவிற்கும் மகளிற்கும் இடையேயான பாச போராட்டம் அழகாக காண்பிக்கப்பட்டிருந்தது. இதனை பார்ப்பதற்காகவே திரையரங்குகளில் இரசிகர்கள் திரண்டிருந்தனர்.
இந்நிலையில் விஸ்வாசம் திரைப்படத்தில் வரும் அஜித்தின் கதாபாத்திரம் தனது மகளான அனோஷ்காவிற்கு பிடித்திருப்பதாகவும் அதன் காரணமாக இனி தான் நடிக்கும் திரைப்படங்களில் பெண்களை இழிவு படுத்துவது போன்ற காட்சிகள் இருக்க கூடாது எனவும் அஜித் இயக்குனர்களிடம் கோரிக்கை வைப்பதாக தகவல் வெளியாகியுள்ளது.
அத்துடன் அஜித் நடிப்பில் அண்மையில் வெளியான நேர் கொண்ட பார்வை திரைப்படம் பெண்களை மையப்படுத்தி எடுக்கப்பட்டமை குறிப்பிடத்தக்கது.
